消息指祖奧菲歷斯唔想返去馬體會，呢位葡萄牙球員有興趣加盟巴黎聖日耳門，馬體會就係琴日宣布基沙文將會係今季著返7號波衫

根據西班牙傳媒阿斯報消息，馬德里體育會希望祖奧菲歷斯做好準備兩個星期後嘅季前熱身賽，但係菲歷斯唔想返馬體會。而最近傳出巴黎聖日耳門好鍾太呢位葡萄牙🇵🇹球員，而球員都有興趣加盟，菲歷斯覺得PSG符合自己參加歐聯同埋為冠軍而戰嘅願望🙂

不過，菲歷斯同馬體會份合約去到2027年先至到期，無論邊間球隊想簽佢，馬體會都希望收返1億歐元轉會費，暫時仲未有球隊報價可以去到呢個數字🫠

基沙文由巴塞重返馬體會之後一直都係著住8號波衫，而7號波衫就係屬於菲歷斯。不過，馬體會就係琴日宣布基沙文將會係今季著返7號波衫😊