Tyson Yoshi赤膊狂奔　Christy爆婚禮發生小插曲

歌手Tyson Yoshi於意大利莊園完成三日婚禮後，連日在社交網不停洗版Po相，閃爆眼球，Tyson成家立室後，不改貪玩本色，他上載一條跟來賓魏浚笙(Jeffrey)、邱彥筒與男友林家熙在草地上玩躲貓貓遊戲的短片，幾個年輕人變大細路，在草地上跑來跑去，赤膊的Tyson更索性跳下泳池躲避，弄至全身濕透，他更飛撲攬實Jeffrey大整蠱，2人齊變濕水雞仔，認真玩到顛。

而程太Christy就在網上寫下感受，表示第一日Welcome Party精神上最疲累，又透露發生突發事件，「係有少少插曲，但結果論嘅我，覺得都唔重要了，甚至已經斷片，唔記得我經歷咗啲咩拆彈環節，因為當晚真係好開心，完全就係我想到嘅嘢。」原來此行發生的小插曲是Christy同行的化妝師在轉機時遺失了化妝箱，一件化妝品都冇，Christy十分冷靜，立即走到市鎮內搜羅化妝品，最終都順利化到美麗新娘妝。

東網網站 : https://on.cc/東網Facebook專頁 : https://www.facebook.com/onccnews/