193伙陳安立練瑜伽遭十指緊扣︰你老婆上嚟見我哋咁樣

ViuTV節目《公司逼我打籃球》今晚（26日）將播出第4集，「愛晴當入樽」繼續迎戰英華書院籃球隊。比賽過後，眾人為了改善體能不足問題而自發進行跑步練習。不過，跑步當天只有陳安立（Brian）和文卓森（旁白君）準時出現，其他隊員全部零蹤影兼零回覆。Brian無奈地說：「做好自己先囉，我覺得其他隊員見到，大家都會影響到咪做番好啲囉。」王希晉（希晉@ROVER）於後期加入，令Brian及旁白君總算凑夠3人成團練跑。

跑步之外，Brian跟梁業（肥仔）、郭嘉駿（193）、曹梓冲（Agent L.）進行瑜伽練習。雖然4人對拉筋動作力不從心，叫苦連天，但當做到以力量取勝的Superman pose時，肥仔一下子便成功凌空撐起瑜伽導師，非常厲害﹗193和Brian挑戰雙人瑜伽Tree pose，要手掌心對手掌心支撐。Brian不經意跟193十指緊扣，193笑言：「唔係十指緊扣啊，你老婆上嚟捉姦見到我哋咁樣啊﹗」場面搞笑。

今集「愛晴當入樽」還會進行第2場友誼賽，對手是應屆籃球聯賽冠軍「荃灣女子籃球隊」。當日Agent L.和旁白君不約而同攜眷到場觀戰。Agent L.老婆兼電台主持Elsie笑言：「自從Coach Fui教完佢之後，佢成日返到屋企話自己勁咗好多，我都要驗收吓睇吓佢有冇吹水囉！」

單拖到場的Brain成箭靶，193笑言：「佢特登瞞住阿嫂因為今日好多女仔，所以唔叫阿嫂嚟！」旁白君踢爆：「成隊女子隊都識Brian都認得佢！」Brain馬上澄清與老婆關係甜蜜：「有啲重要比賽佢都有嚟睇嘅，我老婆係一個好善於交際嘅人嚟，通常佢去到一坐低，例如其他隊友啲老婆、女朋友喺度，佢好快就會識晒、friend晒，跟住就同佢哋傾偈。」

眾人比賽時面對一眾女將均顯得有點綁手綁腳，肥仔坦言：「少不免都會有啲碰撞㗎喇，但係作為男人嘅心態，就會怯囉。」

（即時娛樂）