｜旺角 新駐場 無限時任食火鍋 和牛 黑毛豬｜

馬祖無限時台灣養生刷刷鍋🥳
｜旺角 新駐場 無限時任食火鍋 和牛 黑毛豬｜

🙈好耐無去打邊爐啦，翻工之後真系特別累，特別想食餐飽！知道宜家旺角新開左一間無限時既台灣任食火鍋，甘更系要黎試下啦！佢地個環境真系好乾淨，燈光好光，真系幾舒服。

😍我地今次就試左$399套餐，包左湯底一個，任食肉類，小食同飲品。尼個套餐既肉類就包左極級SRF極黑和牛，prime grade 安格斯，伊比利亞黑毛豬等等。甘我地今次就最主要食尼3款肉類。

🍲台灣養生醉雞鍋
尼個鍋底真系夠曬醉，未落野食前飲一啖，真系好重酒味同藥材味，入面使用左龍眼，紅棗，香片，大量雞件，真系夠曬味。真系好養生既感覺。成個湯底都好足料，真系幾高質！d打邊爐料都索曬醉雞湯底，食到最尾都有酒味

🍟自家制shake shake 黃金地瓜條（甘梅、番茄、香辣、海苔）
每一台都會免費送一盤，分量都好多，有成4款味甘多，我地就逐樣都試左，始終最夾都系甘梅。不過都幾特別，有甘多款既味道，玩得又食得

🐮極級SRF極黑和牛肩脊
首先，肉質超嫩滑，牛味都好重，油脂感好豐富，但唔會太漏，肉味好鮮甜。其實建議大家咩醬都唔洗點，就可以食，完全食到佢既鮮味。但如果好似我甘加辣椒沙茶醬既話，反而就蓋過左佢本身既肉味。不過其實佢d醬都好好味。我覺得肉既質素都幾高。

🐮極級prime grade 安格斯牛頸脊
尼款同和牛唔同，肉質就更加嫩滑，但就比和牛為清新，油脂感就低少少，尼款牛又系好鮮甜，真系幾唔錯。好值得encore!

🐷西班牙伊比利亞黑毛豬
其實我平時打邊爐真系好少食豬類。但今次因為見系黑毛豬甘就試下叫一碟試下。點知真系好有驚喜，肉質系好嫩滑，豬味都系好鮮甜，真系第一次食到豬系甘鮮甜。叫左個最普通既豬食，其實真系食得出好大分別，好推介大家upgrade到尼個lv食下。

🐙海鮮類
海蝦：好鮮甜，都幾大只，肉質都好唔錯
帆立貝：都幾大粒，其實都算系鮮甜，比想象中好

🦑黑松露墨魚滑：超級重黑松露既味道，墨魚滑好夠彈牙，仲好鮮甜
🦀蟹粉丸：夠曬彈牙同鮮甜，餡料都好足
🧀芝心包：芝心包入面既芝士唔同平時d芝士丸，佢尼款芝士味比較香濃，會咸少少
🥚金沙魚蛋：尼個就真系必點，魚蛋好彈牙，入面既鹹蛋黃餡真系好好味，推介！

🍜讚岐烏冬：超級彈牙，同我地今次既湯真系好夾。就算真系飽，我都仲系食緊烏冬

🥬娃娃菜：今次既娃娃菜真系好甜！大家都可以試下

🍹愛文芒果茉莉花茶：芒果味先出，跟住有就清新既茶味，我覺得幾好飲！

🍹黑糖冬瓜檸檬茶：通常靜系飲黑糖冬瓜會比較膩，但再加埋檸檬既味道，會更加清新！

📍馬祖無限時台灣養生涮涮鍋 (旺角)
旺角彌敦道628號瓊華中心11樓