任賢齊盼邀「城寨四子」任巡唱嘉賓齊跳古仔《今期流行》

任賢齊（小齊）、林峯、張文傑、胡子彤，今天（25日）到澳門出席戲院開幕禮。

忙於做巡迴演唱會的小齊笑言，有心願邀請古仔和「城寨四子」任表演嘉賓，希望一齊台上跳唱古仔的《今期流行》，林峯笑說：「我想睇呀，好呀，等我練下歌先，我即將開演唱會，都想請城寨班演員做嘉賓，一定好熱鬧。最近我和張文傑、胡子彤一齊登台，但三缺一，劉俊謙忙拍戲。」

張文傑日前到戲院謝票被摸手臂，他表示感受不到，因為當時環境人多擠迫，小齊示範摸張文傑手臂：「我都想摸啦，證明大家都很喜歡城寨四少。」人氣急升的張文傑被粉絲稱呼「老公」，他直言未習慣：「有點驚訝，但多謝觀眾支持，大家開心，我就開心。」胡子彤笑言適應粉絲贈予BB稱呼：「粉絲問BB食飯未，我答食咗，我竟然習慣了。」