東張何太︱直斥翁靜晶「個牌買番嚟」　回應被發律師信：放馬過來

自《東張西望》完成報道76歲何生與何太事件後，何生何太轉戰網上平台，經常直播發表想法。但近日疑因房屋署表示會調查其公屋住戶的問題，何伯已退下火線，由何太獨力應付網民，更單挑與「女俠」之稱的翁靜昌罵戰。

擁有律師資格的翁靜晶日前在其頻道，以法律角度作出分析何伯難以取回450萬元。「新何太」則激動批評翁靜晶是「廢柴」，更懷疑「佢個律師牌點買嚟嘅。」

翁靜晶昨晚（6月10日）就此再出片回應：「喺邊度有得買呀，我想買多個喎」，並指何太的思想模式有問題，「認為咩都可以用錢買，婚姻可以用錢買，身份證亦可以，任何嘢可以用錢擺平。」

翁靜晶更表示，「呢位大媽我對佢係冇敵意嘅，我唔會仇恨佢。」但她表示會先禮後兵，宣布會出律師信：「出咗之後如果佢係好人嘅，佢行善良嘅路唔好去傷害人，好好地去對家庭入面嘅人，咁就唔會有下一着；但如果好過分嘅，去傷害其他人嘅話，我出咗第一封信，我亦都可以隨時採取第二步行動。」

有網民將片段轉發到抖音，並一面倒支持翁靜晶出信，何太即時留言指對方「X街為流量不擇手段」，更回應：「你敢不敢見我。」、「你有病就去睇醫生」、「我仲驚你這個毛婆，我見到你這個嘴臉，都發噩夢」。

何太又在抖音粉絲群組與網民對罵，表示自己與何生無論如何都要拿回450萬：「450萬頂到一條命咩？我老公話佢賠上性命都要爭取返自己嘅嘢呀，因為佢畀佢嗰啲不孝子女搞到都得半條人命，差啲搞死咗佢，死咗幾次架喇。」她又續說：「哼，你都多餘既，死咗450萬，幾多畀我呀，我唔稀罕嗰啲錢呀。我老公死咗嘅話，我燒嗰啲真錢畀佢呀，得未？450萬真係太少呀，護理佢老人家身體都唔得架，都未夠吖，萬一有咩重病，係咪？」

何太更爆粗激動說到：「你敢唔敢同我見面，嚟一個決一死戰嘅約定，如果我份人有乜嘢行差踏錯，犯咗法，我哋同你賭命！你敢唔敢呀？X街，真係腦入水！」

何太又大罵網民不懂法律：「你哋真係癡X筋，你係咪好無知，定係唔知事情嘅真相？你哋嘅何伯伯呀，喺疫情或者仔女有任何困難，通通都資助佢哋，係用金錢去資助，有晒銀行記錄，冇得唔認，一打起官司走唔甩，太不懂法。」似乎何太對法律有研究，未知在收到翁靜晶的律師信時會如何應對。