前港姐楊寶玲近況曝光　凍齡有道皮膚勁水嫩

1987年當選香港小姐冠軍嘅楊寶玲（Pauline），雖然喺娛樂圈發展一帆風順，不過正當事業如日方中之際，喺1999年宣布息影，並轉戰從商擔任珠寶公司非執行董事職位；感情方面即使經歷過2段失敗婚姻，但同初戀男友Gavin重遇嘅佢，亦選擇相信愛情，同初戀男友結婚之餘，仲同兒子移民美國拉斯維加斯生活，幸福美滿。

而早前適逢母親節，楊寶玲亦晒出同媽咪嘅甜蜜合照，只見鮮少亮相幕前嘅楊寶玲依然保養有道神采飛揚外，皮膚更係白淨有光澤，整體望落高貴又大方，唔講都唔知原來楊寶玲已經57歲之餘，就連一旁嘅楊母同樣凍齡有道，望落似足姊妹合照多過母女合照。

東網網站 : https://on.cc/東網Facebook專頁 : https://www.facebook.com/onccnews/