英皇駿景酒店試住報告

英皇駿景酒店The Emperor Hotel 平到爆包兩餐優惠，全包$770包兩餐，每日仲有一間可以升級套房！另有，Alipay專屬優惠，免費升級豪華客房連雙人五道菜酒配套餐＋延遲退房$1,088 起！

小編試住報告

酒店介紹

今次小編體驗嘅係灣仔英皇駿景酒店呢個Sweet Escape Package，全包價都係$838！唔單止包下午茶同早餐，flyday fans預訂獨家下午4點check out，真係名符其實住夠24小時。由酒店大堂去到客房走廊都十分新淨，由土耳其Autoban Studio操刀設計嘅建築，相比起同價位酒店更加新潮，為想逃避下工作壓力hea返日，絕對係好選擇。

豪華客房

今次小編入住嘅係豪華客房，一如酒店乾淨簡潔嘅風格，房間主要用木質配上黑色為主題，感覺唔會老土。窗望出去唔會見到隔離房，雖然係城市景但係唔會直接俾大廈遮住，反而有一大片空曠嘅景色。講返間房配套都好充足，除咗有「咦~ 真係meko水黎嫁喎」嘅樽裝水，仲有文青最愛嘅茶色杯具，係窗邊梳化打卡就啱晒。去staycation嘅重點，當然係攤起床度咩都唔做，客房嘅床夠大之餘，軟硬度都一流，睡眠體驗滿份！廁所光猛乾淨，衛浴用品齊，毛巾夠乾淨。最重要鏡邊仲有裝「港女燈」同放大鏡，啱晒小編執返啲眼耳口鼻～

餐廳

Staycation除咗「訓」，仲有「食」，今次Package包早餐同下午茶，再送$100晚餐現金券。Monkey Café嘅三層架下午茶，有龍蝦、鴨肝多士、巴馬火腿配蜜瓜、炸蟹餅每樣都邪惡度滿分！相比之下，炸蟹餅同鮮果撻味道就比較平凡，不過好彩仲有小編最愛嘅Scone。送嘅兩杯summer drink味道幾好，菠蘿梳打啱晒咁熱嘅天氣。比較可惜嘅係嘢飲用嘅杯同造型都唔算特別好睇，呢方面如果改善下一定仲吸引。早餐係經典嘅西式早餐，食物齊全，薯餅煙肉都唔會凍冰冰。個炒蛋都幾滑，可惜份量比較細，而且無咩特別驚喜，如果男仔應該要食多啲，總括嚟講食物質素都合格。

服務

英皇景駿嘅服務態度好好，check in嘅同事好有禮貌，真係同酒店嘅風格一樣，感覺casual但係好感受到對客人嘅尊重。晚黑仲想繼續食宵夜？搭電車去銅鑼灣5分鐘就到，真係非常chill，亦都係酒店鄰近飲食消閒購物區嘅優勢，真正想點玩就點玩。

‼️總結

英皇駿景成間酒店俾人嘅感覺都好精神，每一個角落都乾乾淨淨，連職員嘅西裝都燙得好直。房嘅設計着重細節，真係住得好舒服，喺灣仔區酒店一晚$838價錢咁平真係要讚。

英皇駿景酒店 時尚客房連雙人早餐＋雙人下午茶＋延遲退房

• 一晚豪華客房住宿連服務費$770
• 【限量搶】：每個入住日首2間免費升級至行政套房 (星期一至四、指定日子除外)
• Monkey Café2人早餐
• Monkey Café 2人"秋" 意綿綿下午茶
• 加$77加購4款滋味小食  (水牛雞翼、洋葱圈、玉米片及春卷) + 兩杯餐酒
• 23小時住宿，延遲退房至下午2時 (只限豪華客房住宿)
• 星期五至六入住加$110

英皇駿景酒店 Alipay專屬優惠

AlipayHK專屬優惠：英皇駿景酒店住宿禮遇套票

• 一晚高級客房住宿連服務費$1,088
• 免費升級至豪華客房
• 雙人五道菜酒配套餐
• 延遲至14:00退房

英皇駿景酒店位於繁華但幽靜的灣仔市中心地段，酒店設有便捷的穿梭巴士服務，途經銅鑼灣時代廣場、灣仔合和中心、灣仔香港會議展覽中心及中環國際金融中心等等地方。

**Follow us on:

Facebook: Flyday.hk

Instagram: @Flyday.hk

訂閱電子報: Flyday.hk**