方力申曬親吻太太孕肚照　稱只此一張︰唔想俾人打

方力申與細自己14年的圈外女友葉萱（Maple），於今年2月14情人節宣布拉埋天窗，不久更公布太太懷孕喜訊，透露預產期為12月。而臨盆在即的Maple，上星期便與小方，腹大便便地一齊欣賞楊千嬅演唱會，精神不錯。而昨日（10/12），小方更在社交平台分享Maple的孕照，畫面相當溫馨，但小方就留言表示︰「我唔想俾人打，所以淨係post呢張。」到底係咩意思？

方力申於2023年，公開認愛細自己14年的女友葉萱，雖然期間經歷不快事端，兩二人都勇敢並肩，共同面對。直至今年情人節，在無預警下宣布於美國結婚，而當日求婚及結婚的畫面，更被Netflix的紀錄片拍下來。事隔4個月，方力申便在父親節當日公布太太懷孕喜訊，隨後小方都顯得相當興奮，分享與老婆到醫院進行產檢及參觀產房的短片，又已為愛女改名為Isla。

昨日（10/12），方力申趁老婆產前，在社交平台分享其孕照。他寫著︰「係影咗好多靚嘅『大肚』相，但係我唔想俾人打，所以淨係post呢張。嘥咗你喇老友🤣🤣🤣」未知言下之意，是否太太嫌孕前走樣不許上載太多相，方力申就只上載一張相片，拍下自己輕撫太太孕肚，兼親吻的一刻，非常溫馨。至於太太葉萱就只見其肚不見其樣。