福建綑邊意外兩人被巨浪捲走1死1傷

4月23日，福建福州市連江縣苔菉鎮，有一行十幾人行山團進入未開發海岸線玩「綑邊」。點知佢哋遇到大浪，有兩名團員被沖落海，1死1輕傷。

報道所見，呢班團員用簡單嘅繩索作扶手沿海岸線而行，突然一個大浪打上岸，將兩人捲走。

1. 裝備嚴重不足

十幾廿人只係靠共用一條繩，又唔見有人著救生衣。當身陷險境時，裝備根本完全唔足夠。

2. 行程無計劃

睇得出佢哋綑邊前毫無計劃，成團人浩浩蕩蕩走落懸崖，畫面剩係見到一兩個疑似領隊協助團員過海，團員睇落又無任何基本攀石知識，成件事險象橫生。

3. 態度輕蔑

呢班人處身巨浪之中，態度仍然輕鬆，致危險於不顧，出事後恨錯難返。

綑邊發生意外，香港時有發生。2020年4月9日，萬宜東壩有女山客綑邊期間失足墮崖重傷，送入院後不治。我哋幾時先得到教訓，面對大自然要學會謙卑呢?