歐陽巧瑩指林師傑有開工 因撞期未能宣傳《十八年後》

有報道指「木偶哥」林師傑因受老婆歐陽巧瑩政見取向影響，連累他在無綫被冷待，就連剛播畢的劇集《十八年後的終極告白》，師傑雖然有份演出，佔戲也不少，但劇集由開播到結局，也未見過他出席由無綫安排的宣傳活動，歌曲方面亦未有聲氣，故傳出師傑受無綫冷待一事。

歐陽巧瑩回覆本報時，對有指因為她的政見關係，影響了老公在無綫發展，她說：「你問我，我就唔覺嘅，佢一向都開緊工。（為免有可能影響老公工作，都少講為妙？）《十八年後》幾次宣傳，都係因爲有事，所以去唔到。公司嘅統籌係有叫師傑，只不過唔好彩咁啱撞期。」

（即時娛樂）