獨家丨羅敏莊認為無需過份恐慌　 泰國生活如常唔擔心被「賣豬仔」

羅敏莊（Mimi）上月底跟老公陳國邦齊陪囡囡陳禛到泰國升學，亦有留意近日揭發有多名港人經泰國被「賣豬仔」到柬埔寨等東南亞國家，期間遭禁錮從事網騙工作及被虐待和勒索案件。Mimi強調在泰國一切生活如常，未有特別擔心人身安全，又認為案件只屬個別事件，無需過份恐慌。採訪：杜杜

Mimi雖然身在泰國，但跟阿邦每日都有留意香港新聞，所以亦知道人口販賣的消息，對於有指泰國成為「賣豬仔」中轉站，她在當地未有聽聞這種情況，「我哋生活喺呢幾區，完全冇、亦都冇聽過香港所講嘅情況，可能係一啲偏遠嘅地區發生啦！我哋完全唔擔心，因為我哋見到所有人都正常生活，泰國本地嘅朋友直情係冇聽過呢單新聞?！」

事件令旅遊業雪上加霜

Mimi又認為他們一家三口都少出夜街或到偏僻地方，所以唔太擔心人身安全，「我哋本身都好少出夜街，又唔係夜蒲嘅人，我哋亦都唔會去啲好偏遠、好偏僻嘅地方，最多去啲商場同食肆，所以都好安全。」Mimi又話連畀人呃的機會都細，「我哋又唔係喺度搵工，又唔係需要網上情緣，我諗好難畀人呃。」

不過Mimi認為事件會令到當地的旅遊業雪上加霜，希望大家無需過份恐慌，「講到泰國好似好恐怖咁，佢哋嘅旅遊業已經係好慘，仲要呼籲啲人唔好嚟呢度，真係慘上加慘，我接觸呢度好多人，好似我屋企嘅保安、清潔工、或者餐廳員工，全部都好好，令我有賓至如歸嘅感覺，應該幫佢哋講返啲嘢囉！」

立即下載 | 全新《星島頭條》APP https://bit.ly/3yLrgYZ