蔡依林開騷捱夜攰到口齒不清　高呼：向2024說聲再見

台灣天后蔡依林（Jolin）《PLEASURE》世界巡迴演唱會一連3日於台北大巨蛋舉行，尋日（31日）跨年夜，蔡依林早前曾表示要趕返屋企瞓，唔會同現場觀眾倒數，而佢亦講得出做得到，早早完騷同大家說再見，仲提早為大家送上新年祝福。唔知係咪因為為咗個騷，要「捱夜」遲瞓咗，女神竟然叫大家同2024年say goodbye！

近年戒掉熬夜習慣嘅佢，指自己如非必要戒除熬夜，轉為每晚9點半至10點準時上床的「養生模式」，但為咗3場大巨蛋演唱會，佢破功「熬夜」加班，尋日剖白演唱會首日回家，直到凌晨1、2點都冇睡意，形容興奮感覺似足「戀愛腦」：「我昨天回到家躺到一兩點，日思夜想，真的很像戀愛的感覺。我睡不着，乾脆起來在床上拉筋，結果恍惚間碰到東西嚇一跳，以為發生甚麼事？定睛一看才發現是我的頭髮！你們知道熬夜通常都會疑神疑鬼的！」

難得佢第二晚過咗9點半都仲未上床瞓，佢謝幕時對住4萬人大嗌：「把手借給我，讓我們向2024說聲再見好嗎？迎接最新的你。」一時口快快，唔小心將「2025年」講成「2024年」，粉絲笑虧：「人果然不能熬夜」、「呸姐累了嗎」

東網網站 : https://on.cc/東網Facebook專頁 : https://www.facebook.com/onccnews/