Bob嫂社交網報喜 林盛斌兩女兒全港校際舞蹈節奪金獎

林盛斌（阿Bob）和太太黃乙頤（Pearl）育有三女一子，二女熹兒（Haye）及三女機兒（Kaye）原來除了是體操好手外，舞藝亦了得﹗Bob嫂在社交平台分享熹兒、機兒手持獎狀及獎盃、獎牌的照片，透露兩姊妹參加全港校際跳舞比賽得獎。

她說︰「二家姐三家姐參加咗剛過去嘅『全港校際藝術音樂舞蹈節2021』，媽咪又係一早爬起身同佢哋去。去咗咁多次，化妝水平日漸提高（好奇怪，自己唔化妝但係識化其他人）其實佢兩姊妹嘅妝容係有分別㗎！本來我都係用一樣嘅手法放落佢哋兩個塊面上面，但係原來咁係唔得㗎！一開始嘅時候，同樣嘅黑色眉同埋黑色眼線，喺二家姐嗰度就好出色，但係喺三家姐嗰度就會顯得佢好惡，所以我諮詢化妝師朋友，發現原來三家姐要用啡色眉毛同埋啡色眼線。個結論就係，就算我係一個唔化妝嘅人，我都有齊晒所有化妝工具﹗最後，報喜一下。二家姐：團體比賽-金奬。三家姐：個人比賽-金獎。」

（即時娛樂）