張敬軒正式收爐 預告大年初一上載〈俏郎君〉卡拉OK版

張敬軒上月出新歌〈俏郎君〉，他亦見有人翻唱這首歌，而且就快過年又未能去唱K，所以決定「重操故業」，用自己曾在影音公司製作字幕的經驗，和朋友製作高音質伴奏版〈俏郎君〉，而且預告會在初一上載至YouTube，讓粉絲唱住過年。

張敬軒出文解釋自己以前為何做過字幕：「話說當年在影音公司音頻部做學徒，我間中會到旁邊的影視部串門，有時會幫字幕組的同事敲敲字幕。什麼叫敲字幕呢？就是要按照歌曲旋律的節奏準確把每一粒字幕的拍子敲一個電腦鍵，即是按唱的節奏敲，字幕軟件便會記下所敲的時間，生成時間碼，再選上字幕顏色就會變成卡拉OK中的變色字幕了。把字幕時間碼、伴奏音軌、原唱音軌和MV合成輸出，再送去壓縮部壓縮，就可以製作DVD或者LD母盤了 #我諗有好多朋友仔唔知道LD係乜 #自己google喇 」
之後原來想勉勵大家：「夜麻麻講啲感性嘢，當年無意之中學到嘅小知識，過咗廿幾年之後竟然可以學以致用。所以無論而家喺學校讀緊書嘅你，又或者啱啱出嚟社會做事、甚至乎啱啱轉換一個新環境邊做邊學嘅你，唔好錯過每一個學習嘅機會，因為你今日學到嘅嘢可能喺將來嘅某一日幫返你。」