兄弟最後合體騷？張崇基張崇德唔敢100%講實

歌手張崇基及張崇德昨日（10日）現身新城電台為伊館跨年演唱會宣傳，興奮謂個唱籌備得如火如荼，其中崇德指每日都有好多事情要處理：「由一年開始準備，防疫措施、8成半入座率、表演者檢疫，亦有同場館開會，睇吓點配合。」多要事解決影響開騷心情？他笑言長期都活在忐忑之下：「突然間個入座率變7成，咁已經死，依家係好想快啲去到開騷嗰日，即係代表開得成！」

他們透露會推出個唱同名新歌《基會難德》，又承諾Fans今次會是最精彩的一次：「將之前9次開騷好睇嘅部分濃縮，雖然今次話係最後機會，但都唔係話別離，只係哥哥移民加拿大，大型演唱會就冇乜機會，唔通我自己一個唱咩？會好好珍惜、把握一齊開騷機會。」並笑說有朋友有問他會否反口之後再開騷？他直言此刻仍是相同諗法：「但未來點，我都唔100%講實。」而崇基表示太太及仔仔已由加拿大飛返港，問到到時會否邀請仔仔上台？他大笑說：「上台就未必，我哋個台唔係咁容易上㗎！」

東網網站 : https://on.cc/東網Facebook專頁 : https://www.facebook.com/onccnews/