林祖輝姚嘉妮15歲大女　高顏值被封「嫩版林嘉欣」

結婚18年的林祖輝與姚嘉妮驚爆離婚，將共同撫養女兒林煦錡（Kyra）和兒子林璟豪（Kyros）。網民除被消息震撼，還留意到兩人的15歲的女兒 Kyra 原來盡得父母的真傳，擁有極高顏值，甚至認為與「最美星二代」沈月有得揮。

45歲的姚嘉妮身高167cm，擁有不老容顏及逆天長腿，早前與林祖輝與兩個仔女出席公開活動，但隨著女兒長大進入青春期，Kyra不喜歡被拍，所以甚少曝光。直至去年姚嘉妮與仔女到日本旅行，Kyra 才激罕露面。

姚嘉妮貼相時寫道：「我真係要特別鳴謝囡囡Kyra做我嘅臨時童工模特兒，一、兩年前佢真係唔鐘意畀我影相，今次佢肯畀我影（雖然都係唔見様）但係對我嚟講已經好大進步，巧感動！ 見到佢啲相，真係覺得佢呢一、兩年大得好快！所以我好珍惜我哋每一刻相處嘅時間。」從相中可見 Kyra 擁有精致五官，淺淺一笑，網民驚嘆女兒激似年輕的林嘉欣。

姚嘉妮女兒Kyra現就讀國際學校基督教國際學校（International Christian School），亦曾與媽媽及細佬 Kyros 拍攝一條澳門旅遊局的宣傳片，片中可見 Kyra 遺傳到媽媽的長腿，身高已直迫媽媽。網民亦大讚 Kyra 星味濃：「女女好靚」、「囡囡生得好髙又靚，做model都得」、「靚過邱淑貞女兒沈月」、「你個女好似林嘉欣，好靚女，但係佢好似好cool咁」等。