鄧麗欣拒做方力申B女契媽：唔係好熟咪玩啦！

歌手鄧麗欣（Stephy）今日（21日）現身電台宣傳新歌，早前在社交平台自爆失聲的她，表示已康復9成，透露當時幾乎失聲了3日，她表示早前拍攝瘦身廣告時穿得太少衣服，因而患上感冒開始咳，咳完兩日當她以為好番時，誰料可能因為生病時傳染畀男友，男友再傳染返給她，結果她便失聲了：「交叉感染，啲病毒就變咗種，佢傳染返畀我佢就好番。（纏綿得滯？）啲菌纏綿得滯，我想傳染返畀佢我就冇事，但失敗咗。（男友好番有冇照顧你？）其實都冇咩可以做。（點溝通？）手語。」她續指當時十分沮喪，因為剛開始為演唱會練歌便失聲，幸好距離開騷仍有一段時間。

談到她將於9月舉行的個人演唱會，她指正在恒常準備中，更指今次在身形上有訂下目標：「唔止瘦，今次對啲肌肉有要求，我自己知啲鬼祟位嘅肌肉，所以開始咗健身運動。（想練邊啲位？）會Show腰腹，蜜桃臀囉，希望形態上更加靚，對腰椎健康都好有用，上次開騷整親就係因為上身肌肉唔夠，多啲肌肉做啲動作就會穩啲。」她指今次會繼續表演風火輪，更可能將在8月底演出的拉闊演唱會中得到的啟發，擺落個人演唱會，問到會否嘗試林峯的「表櫈舞」，她指等待取經的機會，亦要練多些肌肉，而嘉賓方面她則指暫時未知。

問到舊愛方力申日前公布太太懷有B女，Stephy指剛剛才知道，但早在對方公開懷孕喜訊時已在通訊群組恭喜對方，問到認不認為對方有「外父相」，她笑言：「其實我成日都唔知咩叫外父相。（會唔會送裙仔畀B女？）我留我演唱會嗰啲畀佢囉，好性感個啲。（你同佢都咁熟，會唔會認做契媽？）唔係好熟，唔好玩啦，人嘅嘢就係識得耐又唔代表會熟。」至於提及幾時到她結婚生小朋友，她則表示隨遇而安，指自己與男友都是很Free的人，等待一個大家覺得適合的時機，而問到會否懷孕才結婚，她表示：「希望唔好啦。」

東網網站 : https://on.cc/東網Facebook專頁 : https://www.facebook.com/onccnews/