里安納遜《神探零零甩》再續《白頭神探》笑彈

《白頭神探》（The Naked Gun）系列源自80年代的美國搞笑電視劇《Police Squad!》，頭3集都由已故加拿大男星里斯利尼爾遜（Leslie Nielsen）主演，以誇張荒誕手法講述「白頭神探」勇破奇案的故事。今次《神探零零甩》算是軟重啟，亦是系列第4集，由愛爾蘭男星里安納遜（Liam Neeson）飾演原版系列男主角的兒子，繼續擔任「白頭神探」，與《沙灘拯救隊》（Baywatch）美國女星彭美拉安德遜（Pamela Anderson）合作。

新片由搞笑卡通《Family Guy》主創Seth MacFarlane擔任監製，里安受訪時被問到為何轉變硬漢形象，忽然拍喜劇，他回答：「嗰年聖誕前，我嘅仔同我喺度睇奧斯卡試片碟，想搵啲唔認真、胡鬧電影可以笑吓。但一套都冇，佢哋全部都好沉重同國際化。即係咁，佢哋係好戲，但全部都好沉重。當Seth MacFarlane搵我拍新版時，我就諗，我應該可以勝任，只要我好嚴肅咁演繹，唔好嘗試去模仿里斯利尼爾遜先生。佢係好精彩。導演係Akiva Schaffer，佢係搞開長壽搞笑節目《周末直播》（Saturday Night Live）。劇本好好，入面有啲會令人捧腹大笑嘅位。」

東網網站 : https://on.cc/東網Facebook專頁 : https://www.facebook.com/onccnews/