羅子溢獲頒「最具突破男演員」　自肥追星成功集郵

藝人羅子溢去年於無綫劇《婚後事》內演出獲得好評，然而最終卻失落視帝寶座。不過近他到澳門出席「第五屆新時代國際電視節」，終獲頒發「新時代最具突破男演員」，激動心情自然可以理解。他接受「東網」受訪時坦言：「《婚》劇我嘅內心戲較為碼豐，亦證明我轉型演悲慘角色都算獲得認同，呢樣最開心。」

盛會上羅子溢「追星」成功，驚喜發現於內地劇《倚天屠龍記》內扮演「楊遙」一角的林雨申現身：「真係好驚喜，我直頭衝上去同佢講，我好鍾意佢演繹角色帶出嘅嗰份瀟洒，梗係把握機會合照啦。（真人同劇集有冇分別？）講嘢都係帶7分瀟洒，我好鍾意，同埋好想試吓好似佢咁演吓古裝武俠劇。」

近日子溢有份參演的劇集《執法者們》在內地成績斐然，其角色亦正亦邪引起劇迷關注。談到即將進入結局篇，子溢預告將交代他與好兄弟黃宗澤決裂，談到今次的拍攝，他坦言最難忘結局的一場戲：「不過唔可以劇透住，大家繼續追睇啦，一定意想不到。」日內他將出發前往新加坡三日兩夜，商演及出席活動吸金，爭取機會與當地粉絲近距離接觸。

東網網站 : https://on.cc/東網Facebook專頁 : https://www.facebook.com/onccnews/