占士金馬倫指《阿凡達3》似《魔戒》三部曲終章

加拿大導演占士金馬倫（James Cameron）相對來說不算多產，不過幾乎套套都是賣座鉅製，《未來戰士續集》（Terminator 2: Judgment Day）、《異形續集》（Aliens）與《鐵達尼號》（Titanic）為表表者。占士金馬倫於2009年推出被喻為太空版《與狼與舞》（Dances with Wolves）的《阿凡達》（Avatar），講述人類殖民外星搶奪資源，但人類軍方主角利用「阿凡達」系統控制土著納美星人身體進行滲透任務後，倒戈幫助土著擊退人類，該片現在是史上最賣座電影冠軍。占士金馬倫一口氣計劃拍攝5部續集，2022年推出第2集《阿凡達：水之道》（Avatar: The Way of Water），如今即將推出第3集《阿凡達3》（Avatar: Fire and Ash），劇情講述納美星人中的激進派「灰燼族」如何與人類軍方殘黨合作，威脅星球和平。今集亦會出現乘坐熱氣球的空中遊牧民族，令空戰場面更為多變。

占士金馬倫受訪時承認擔心「續集衰退症」，表示：「一般人鍾意否定系列續集，除非佢係《魔戒》（The Lord of the Rings）三部曲終章咁，你想睇到所有角色嘅收場，而我心目中我呢集都係咁，呢個係成個故事弧線嘅總結，但大眾未必咁睇。」經歷疫情與串流的影響，戲院觀眾大為減少，他直認電影成本超級昂貴，需要票房超級大賣才有機會賺錢：「我心入面冇疑問佢會賺錢。問題係佢賺得夠唔夠，去令系列值得再拍落去？我已經喺《阿凡達》世界20年。實情係30年，因為我1995年開始寫劇本，只不過頭10年唔係連續咁做。所以，當然，如果今集就係盡頭，都好。」他強調第2與第3集都是講同一個大故事，正如第4與第5集也是講同一個大故事。

東網網站 : https://on.cc/東網Facebook專頁 : https://www.facebook.com/onccnews/