創傷之後...

有睇過鬼滅之刃動漫嘅都知道，入面10個有9個角色嘅身世都係異常坎坷（作者也太殘忍了吧），以心理學角度去理解，可能好多角色都背負不同種類嘅創傷。

角色背景：
故事一開始嘅時候，主角炭治郎一家五口被鬼殺死，原本快快樂樂嘅一家人只剩妹妹禰豆子活口。

煉獄杏壽郎年少時媽媽早逝，原本身為柱嘅爸爸借酒消愁一蹶不振，對於兒子成功成為柱卻反應冷淡。

猗窩座未成鬼前因為年少貧窮，為咗病重嘅爸爸而四出偷錢，受盡壓迫，遭受酷刑，一路存在係社會嘅最低層。最後爸爸因為兒子嘅偷竊行為希望佢重新做人而自殺。直到猗窩座嘅師傅出現，甚至同意將個女嫁俾佢，猗窩座先感受到愛嘅存在。可悲嘅係，結婚前師傅同未婚妻遭人毒殺（天啊）。猗窩座一怒之下就將同下毒相關嘅所有人全部徒手殺死。變成鬼之後佢失去舊日嘅記憶，只剩下討厭弱小同埋不斷變強的執念。

其實，無論係親身經歷、目擊、甚至乎係身邊嘅人經歷創傷性事件，我哋嘅情緒會變得過度警覺同埋極度不安，而且一路以來嘅世界觀都可能會有非常大嘅改變。可能會覺得世界不再係安全，覺得人與人之間再沒有信任。

要面對過去嘅創傷絕對不容易。但係在艱難嘅日子都需要過。療傷嘅過程當中，需要一個安全而且充滿愛嘅環境底下慢慢去學習包容呢啲艱難嘅經歷，去探索新嘅角度去理解創傷，而且重新開放自己先能夠隨着時間慢慢建構人生。

係鬼滅之刃中，主角們從愛得到救贖。故事中講述嘅兄弟姐妹情，手足情，父子情往往都係主角向前走嘅動力。我哋睇到主角們只要認清自己心中嘅信念同埋放低冇意義嘅執念，先能夠浴火重生，將創傷轉化成長的經驗，最後就能有力地狠狠活下去。

          View this post on Instagram                      

A post shared by 吾係心理學家 Hi Psychologist! (@hkhipsychologist)