擔任「守護心腎大使」呼籲注重健康 陳豪仔細老婆嫩住家飯要求「三少」

剛「入五」的陳豪（阿 Mo）為搵錢頭家，近日忙於在內地拍TVB新劇《白色強人II》，未能與老婆陳茵媺及3個小朋友慶生，幸好都有同劇演員郭晉安與他吃生日飯，算係補返啦！
因為仔細老婆嫩，阿Mo向來相當關注健康！最近更擔任「守護心腎大使」，夥拍香港復康會、內分泌及糖尿科盧國榮醫生、心臟科梁達智醫生及腎病科鄧智偉教授，共同拍攝了一條以真人真事作為藍本的糖尿病健康教育短片《糖尿…不只是糖尿》，身體力行向公眾及病友推廣糖尿病和心腎併發症的風險。片中陳豪親身探訪了兩名糖尿病人，了解他們如何面對因糖尿病而引起的心腎併發症，更聯同了香港復康會及多名專科醫生，一起為糖尿病人提供實用的醫療和飲食資訊。陳豪很高興可以參與今次拍攝，希望可以藉着這一條健康教育短片，準確反映糖尿糖病人的心路歷程、困難，並帶領大家了解怎樣對抗糖尿病的心腎併發症。
平日陳豪很注重健康，「疫情令我更加審慎照顧自己和家人嘅健康，希望各位睇過呢條短片後，都會更審慎關注自己同埋身邊人嘅健康啦！平日我喺屋企食住家飯都盡量少油、鹽、糖，每當有空檔就會帶埋仔女去做運動。」