張敬軒粉絲追保母車險被壓腳　自責：以為佢影張相就會縮

藝人張敬軒近日風塵僕僕，於澳門工作返港後翌日便現身理工大學，為聯校音樂歌唱比賽擔任評判。斯文Look搭配眼鏡造型的他甫現身即發現大批歌迷守候於會場外，熱情與自己打招呼及爭相送上禮物，令軒仔大感窩心，雖然趕入場仍停步與大家稍作寒暄，及親手接過部分粉絲的心意。

比賽中軒仔除認真打分外，更有上台獻唱，成功炒熱全場氣氛。對於一眾參賽中學生的表現，他讚口不絕且搞笑謂﹕「我出道你哋都應該仲未出世﹗」事後當晚的相關片段不斷在網絡瘋傳，更有樂迷指觀看比賽後，軒仔的表演喚起自己青春的回憶與音樂初心。

比賽雖在愉快的氛圍下完結，但完場卻發生「意外」。軒仔離開時有粉絲追着其保母車狂奔，差點被車壓到腳，情況險象環生﹗返家後軒仔上網向在場歌迷了解情況後，才回應﹕「佢埋嚟第一吓，我哋車速好慢，我以為佢挨一挨埋嚟影張相就會縮，點知佢仲追咗幾步，唉﹗」雖然有人責軒仔有點大意，但亦有人持平留言﹕「唔好自責，啲街坊係好難控制﹗」而涉事粉絲亦跳出來「自首」道歉，事件才告一段落。

另外，軒仔日前於澳門期間，無預警下到訪店舖揀選心頭好，瞬間吸引大批途人逼在門外圍觀狂拍，而他則不時對外揮手打招呼及派心，獲讚貼地親民。而有傳他正籌備出道25周年演唱會，又想策劃一個「泳池沙灘意樂節」，諗頭多多指在回餽歌迷們的支持。

東網網站 : https://on.cc/東網Facebook專頁 : https://www.facebook.com/onccnews/