193疑爆何啟華醉後瘀事　竟與「何家千金」爭埋單

組合ERROR成員193（郭嘉駿）上節目爆料，大爆曾與「澳門何家千金」唱K飲酒，同行的「何姓朋友」竟有瘀爆舉動，雖然他未有指名道姓，但節目主持一句「Dee！講埋啲咁嘅嘢」，疑暗示該何姓男子正是何啟華（阿Dee）。

193指當時在台灣現身酒局，當時「何男」怕醜不停隊酒熱身，已飲到微醉，埋單時「何千金」主動畀錢，豈料「何男」竟然阻止：「我哋喺側邊睇，行規啦，見到何千金攞卡出嚟，我哋仲扮睇唔到嗰隻。就係有個人好好意思喎！嗰位『男何』，佢話『我畀我畀！你唔好同我爭！』跟住『女何』唔好意思，照畀，『男何』話『你係咪睇唔起我哋啲窮人呀？我畀！』」令場面極度尷尬。193續指對何千金而言，當晚的使費根本如同零錢，不會有「睇唔起」的觀念，故替好友汗顏，急忙把對方拉走，叫他不要失禮。

豈料離開時，「何男」竟問「何千金」：「Call咗車未？使唔使兜埋你？」193對好友竟打算「照顧」有錢人感到可笑，而「何千金」落樓後的確有7人車守候，根本不用他們擔心，而「何男」翌日醉醒後得知自己的瘀事後，亦自覺羞家。

東網網站 : https://on.cc/東網Facebook專頁 : https://www.facebook.com/onccnews/