黎瑞恩興奮曬大女中學畢業相！離婚先後患病 單親媽媽獨力湊大一對仔女

48歲黎瑞恩7年前同前夫曾智明離婚後，先後患上抑鬱症及胰臟瘤，但都積極走出陰霾，以單親媽媽身分獨力湊大一對仔女曾凱栭（Sheree）及曾浩儒（Tyrone），對仔女寵愛有加，早年更供仔女去澳洲讀書，又在社交平台分享三母子的溫馨合照，是圈中出名的廿四孝媽媽。

不知不覺黎瑞恩的大女Sheree已經18歲，近日黎瑞恩就在社交平台公開囡囡中學畢業相片及兩母女過去的合照，寫道：「光陰似箭眨吓眼你已經中學畢業，希望你每一個重要嘅時刻，我都可以同你一齊分享啦。#媽媽的心聲 #幼稚園、小學、中學 #青春可貴、珍惜 #精彩旅途等緊你 #好快甩難。」見到Sheree亭亭玉立，完全遺傳到媽媽的基因。雖然​​黎瑞恩留言標籤「好快甩難」，但出名錫仔女的她之後都表示囡囡準備入大學喇，口講甩難實情「養兒100歲長憂99」。而其實Sheree同媽媽一樣都擁有一把靚聲，之前Sheree就曾經分享過自己的唱歌影片，甜美歌聲令人聽出耳油。