鬼滅之刃又關心理學事?

唔知大家鍾唔鍾意睇漫畫嘅呢？

由漫畫改編嘅電影《鬼滅之刃 劇場版 無限列車篇》上映後票房氣勢凌厲，近日已經登上日本史上最賣座電影頭三位喇！

超級簡化解說，鬼滅之刃入面主要係講人鬼對決。鬼要食人去變得更強大。人類之中鬼殺隊為最強大，可以同鬼對抗甚至將鬼殺死去保護人類。

鬼滅之刃無限列車電影中，鬼殺隊眾人喺火車上遇到「下弦之壹」鬼 —— 「魘夢」（最強嘅鬼有十二隻，依力量排名，分最強嘅上弦同埋次一級嘅下弦，下弦之壹就係喺下弦入面排第一名），魘夢利用手下進入鬼殺隊各人嘅夢中，以去到夢嘅盡頭再進入佢哋嘅無意識地帶，以摧毁精神之核再將佢哋擊敗。

「夢境是通往潛意識的道路」

精神分析始祖弗洛伊德提出，「夢境是通往潛意識的道路」。弗洛伊德將人嘅潛意識比喻為冰山最底層，長期埋藏於水底。夢境就喺潛意識浮現嘅空間。日常生活中，由於種種規條控制咗人嘅本性，只有喺夢中我們先能窺探自己一路埋藏着嘅潛意識。

「夢反映現實生活中的渴望」

主角炭治郎喺夢中重回原來溫馨嘅大家庭；善逸嘅夢中可以同喜歡嘅禰豆子共處；伊之助喺夢中喺眾人嘅領導。呢啲夢境都反映佢哋心入面嘅渴望。

有趣嘅係，無意識地界嘅景象似乎都反映鬼殺隊眾人嘅性格。炎柱杏壽郎嘅潛意識火光熊熊，現實生活中嘅佢係充滿熱情活力；炭治郎嘅潛意識地帶是清澈一片寬闊無邊，現實中嘅佢有廣闊嘅胸襟，往往透過真誠善良嘅言語去鼓勵身邊人，甚至乎同佢對戰嘅鬼都會俾佢嘅說話或行動感染而勾起一啲以前仲係人嘅時候嘅重要記憶。

事實上，每人每日都會喺瞓覺嘅時候製造一種名為夢嘅產物。對於夢嘅解說都有唔同嘅心理學理論，不過夢與潛意識嘅精神分析解說始終都喺最有神秘感同埋引人入勝。

          View this post on Instagram                      

A post shared by 吾係心理學家 Hi Psychologist! (@hkhipsychologist)