動L乳酪口感好似布甸咁！十字牌推山兩款全新乳酪～用新鮮牛奶製造！
平時食乳酪就食得多，不過食落好似布甸咁，就好似比較少食到！最近有乳酪品牌推出咗兩款全新乳酪產品，其中一款食落好似布甸、豆腐花咁嘅質感，口感幾得意～
十字牌呢次推出嘅兩款乳酪會喺3月21號發售，兩款都係用新鮮牛奶整嘅～
唔同之處係一款Sippa Yogurt直接插飲管啜就得，幾適合做嘢幾忙又想食乳酪嘅朋友～邊行邊飲都得！
而另一款Spoona Yogurt就比較特別啦～因為個質感好似布甸、豆腐花咁，少少軟綿細滑，食得有少少似益力多奶凍添！
隱藏食法就係可以倒轉佢黎當布甸食，上面仲可以淋上蜜糖等等嘅醬！
於各大超市及便利店有售嫁～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載
留言 1