琴姐離世｜「唔使驚，嫲嫲喺大廳」成金句 李香琴曾奪「萬千光輝演藝人大獎」

李香琴縱橫影視圈超過60年，她曾拍過逾430部電影作品，多數是反派角色，包括陰險西宮娘娘、奸妃及歹毒後母；琴姐在粵劇則多演二幫角色，故有「二幫王」之稱。於1967年，琴姐加盟無綫《歡樂今宵》，她與譚炳文主演的趣劇《大鄉里》大受歡迎，自此兩人不時拍住上登台吸金，甚至一齊開設「歡樂影片公司」。

琴姐亦曾參演多部無綫劇演出，包括《狂潮》、《家變》、《網中人》和《他來自江湖》等；在亞視年代，琴姐就拍過《還看今朝》、《勝者為王》及《再見艷陽天》等劇集。其中琴姐在《溏心風暴之家好月圓》中，飾演嫲嫲角色深受觀眾歡迎，劇中一句「唔使驚，嫲嫲喺大廳」更成為金句。至2011年，琴姐在台慶頒獎禮上獲頒「萬千光輝演藝人大獎」，表揚她的演藝成就。

（即時娛樂）