陳柏宇馮允謙 黃妍何啟華梁業 限定組合RAP唱跳

音樂人Edward Chan（陳浩然）率領普羅管弦樂團，陳柏宇、馮允謙、黃妍、何啟華（阿Dee）與梁業（肥仔）合作演出的《甚麼是喜劇》音樂會，將於本月19至20日假香港文化中心大劇院舉行。

提到喜劇，陳柏宇、黃妍、何啟華及梁業最喜愛的喜劇不約而同是周星馳的經典作品。陳柏宇說：「我哋都係睇周星馳大㗎嘛，我最鍾意係《賭俠》！依家諗番轉頭，唔係話因為邊句對白或邊個笑位特別好，而係因為呢啲喜劇代表住一個年代。今次音樂會，我會唱啲未唱過嘅歌，係咩就…哈哈。」黃妍最愛《家有囍事1992》的「無定向喪心病狂間歇性全身機能失調症」，她笑說：「嗰幕真係好好笑，哥哥（張國榮）好靚仔，啲對白又好好笑，起碼睇咗10次，新年都會睇。」

阿Dee表示：「我最鍾意嘅喜劇係《回魂夜》，我覺得喜劇好天馬行空，但係佢又搵到個好合理嘅解釋，去解釋佢天馬行空嘅世界。好多偉大嘅喜劇家都講過『我嘅悲劇咪就係你嘅喜劇囉』。每個年代都有屬於佢嘅笑匠，我自己就好欣賞梁業。」梁業即大讚阿Dee是很優秀的男人：「佢喺鏡頭前任人點欺凌都唔反駁㗎，或者佢想反駁都冇人理佢，呢個咪佢講嗰個『悲劇』囉！我自己最鍾意《唐伯虎點秋香》隊穿腸嗰幕，真係數唔到睇咗幾多次。喜歡喜劇冇話要咩原因，就係想令人開心，好無厘頭都得㗎。」

在外國長大的馮允謙最愛《命運自選台》：「Adam Richard Sandler真係好好笑，嗰種小人物好日常，好笑背後仲好有意思。」他透露將會在音樂會上為觀眾呈現不一樣的自己：「係突破性嘅演出，哈哈！今次除咗同陳柏宇、黃妍合作，仲有阿Dee同肥仔，我覺得佢哋好搞笑，希望唔會唱唱吓笑到收唔到聲。」

（即時娛樂）