姚瑩瑩首度母子檔拍攝　14歲囝囝表現淡定冇怯場

無綫處境劇《愛．回家之開心速遞》中飾演「Helen」一角的藝人姚瑩瑩，一向是廿四孝媽媽，除了拍劇外，大部分時間都會陪伴兒子，快將14歲的兒子Evan是游泳公開賽的常客，亦是泳界的明日之星。

近日瑩瑩與Evan首度母子檔拍攝廣告，Evan除了長相似足媽媽，面對鏡頭亦非常淡定，毫不怯場，就讀國際學校的他表示事先向媽媽請教中文讀音，希望拍攝更加順利，唯姚瑩瑩笑稱自己中文也是半桶水，她說：「好彩今次主要是分享，唔使背稿，因為我哋兩個中文都唔係特別好，幫唔到佢幾多。」拍攝十分順利，1小時就完成，瑩瑩都忍不住讚兒子：「Evan好乖，諗定點樣講，所以NG仲少過媽咪，好勁！」

東網網站 : https://on.cc/東網Facebook專頁 : https://www.facebook.com/onccnews/