張名雅泰國谷盡絕美不倒胸　狂擦美食飽到嘔

前港姐冠軍張名雅婚結婚8年，已係兩子之母，但身材依然Fit爆，仲次次去旅行都晒噴血水着，非常大方。佢趁小朋友放假飛到泰國旅行，又分享水着靚相及一系列美食照，睇到網友都流晒口水。見佢晒出多張旅行相，當中就見到佢晒出藍色比堅尼，身材火辣谷出事業線，堅挺健康性感。雖然佢一轉頭就換上包到上心口嘅潛水衣，不過都睇到佢玲瓏浮凸好曲線美。加上佢自爆喺當地狂食好嘢，好似蟹肉脆捲、咖哩、五花肉皮、杧果糯米飯、泰式奶茶等，真係睇見都滋味，難怪佢都留言話自己「飽到嘔」！

東網網站 : https://on.cc/東網Facebook專頁 : https://www.facebook.com/onccnews/