Anson Lo變驅魔人密室拍MV　 酷熱天氣下由頭到腳內衣褲都濕晒

盧瀚霆（Anson Lo）昨日（13日）推出了全新跳唱歌曲《Nah》，他不但參與了作曲部分，MV造型上亦有很高的投入度，玩味感十足！歌曲繼續由監製Edward Chan與團隊一同製作，而Anson Lo亦有合寫旋律，他分享創作過程：「創作時我哋會哼一啲旋律，我自己哼時會用上『Nah』字，然後靈機一觸，記起『Nah』字有『No』嘅意思，同歌曲要向收埋自己嘅個性say No好匹配，所以就將歌名索性叫做《Nah》。」

這次Anson Lo在MV中扮演驅魔人，他介紹角色：「呢個驅魔人睇落好似好型好有經驗，但原來佢好驚鬼，任何少少風吹草動都會嚇親佢，但佢會盡量冷靜，隱藏自己驚嘅一面，去完成驅魔工作。」為了拍攝驅魔場面，Anson Lo以特別造型到了一個廢墟拍攝，過程苦不堪言，「驅魔人嘅髮型有兩隻角，係set頭時突然諗出嚟，然後喺廢墟拍攝，係出道以嚟拍攝上最辛苦嘅一次，因為當日發出酷熱天氣警告，但我哋仲要喺咁熱嘅天氣，入一個好焗促嘅公寓景拍攝，密不透風，但著晒皮褸，裏面仲有幾件衫，好焗，感覺好似就嚟暈。4年嚟未試過未拍跳舞已經由頭到腳，甚至內衣褲都已經濕晒，但最擔心係瘦咗！本身條皮褲唔使用皮帶，但拍咗3小時後要用皮帶，因為條腰幼咗，愈拍愈瘦。」

Anson Lo拍MV拍到瘦晒！

MV裏面另外還有3個造型，除了西裝look外，其中黑白造型加上裙褲類的腰封及畫家帽，Anson Lo指整體感覺有型又帶時尚感，他說：「平時怕戴帽跳舞會甩，好多顧慮，但今次chill得來又玩味，戴帽會幾得意，所以就試試。」另外一個紅色上衣造型的是Anson Lo的至愛，他說：「無聊時諗，帶個飛行眼罩喺頭，玩味感重亦有啲得戚感覺，好啱呢首曲！同埋呢個look，成條褲穿窿，比較大膽呢！」