陳楨怡「女飛躍」呼聲高　演惡女出神入化搭車被認出

無綫小花陳楨怡選港姐入行後獲無綫栽培，今年在劇集《巨塔之后》終於遇到有發揮角色，演繹跋扈囂張、目中無人的千金小姐，成功跑出，加上有份參演台慶劇《新聞女王2》加持下，被外間視為台慶頒獎禮「飛躍進步女藝員」獎項熱門之一。已經3度打入「女飛躍」10強的她今年攞獎呼聲甚高，她表示：「真係好大收穫，《巨塔之后》嘅惡女「王啟心」出街之後，多咗人認識，有次坐車司機話你咪嗰個衰女王啟心，真係好開心大家睇得咁入戲。」

陳楨怡指惡女角色跟真實的她很不一樣，加上拍攝時要與前輩做對手戲，挑戰相當大，她說：「劇入面好多事發生，情緒起伏好大，要潑爸爸鍾鎮濤酒、又要拔爸爸氧氣喉、男朋友又離世等，好多演技上嘅挑戰。」至於《新聞女王2》中她則扮演一個動作演員，自言展示到強悍，不再以柔弱的一面示人。

東網網站 : https://on.cc/東網Facebook專頁 : https://www.facebook.com/onccnews/