樓市專家｜湯文亮重出江湖 評本港第四季甲廈空置率低過17.1％

俗語云「姣婆守唔到寡」。曾言封筆，靜了一時的樓市專家湯文亮於Facebook 開筆！日前開始，在其專頁以「新茶餐廳手記」之名2日內連環出了最少10個帖子，除了解釋重出江湖之因由，由財經、地產、經濟、時事，以至近期大熱的大寶冰室也放在筆內。有網民留言表示支持，期待他回歸，但也有網民留言「又話封筆1年嘅，又講大話，你父母點教你㗎？」

湯文亮解釋，12月8日返澳門舊中學百年晚宴，很多人問他幾時再將茶餐廳手記放上Facebook ，「我話很快，其實大家都是講門面說話，但我似乎做了一個承諾，既然公司的事務已經搞得差不多，茶餐廳手記可以重啓，畢竟在Facebook 發文，可以更快跟到社會節奏，比報紙快一日，比雜誌快一個星期。」

之後每隔兩、三小時就出一帖，每每數百字發表偉論。對於近期出了名的大寶冰室會否被加租，他表示：「一般擁有多個物業的業主見到租客好生意，不但唔會加租，甚至會要求租客提早續約，加多少就難免，不過唔會太離譜，所以大熱肉餅餐廳老闆不用擔心業主加租，就算業主真係加租，附近一定有很多業主願意租畀佢，畢竟租客好生意就是業主收入的保證，業主知道萬一加租趕走了租客，很難搵返一個生意火爆的租客，業主唔會咁蠢及咁卑鄙，大家千祈唔好以小人之心度君子之腹。」

另外，他又提及本港甲廈情況，「英國投資公司租用國金2，IFC 2大約14萬呎，在2027年陸續入伙，代表現在租用上述地方的租戶要遷去其他在中環甲廈，已經有租客聯絡我們，希望可以執到個好客。」由此，他認為，今年第三季完結時，甲廈空置率為17.1 ％，測量師行預計第四季完結時會升至19 ％，但在第四季有不少租務與買賣成交，有不少租客從乙廈搬至甲廈，亦有不少從外地搬來香港，租金亦保持平穩，所以他估計第四季甲廈空置率不但不會去到19％，甚至會低過17.1％。他重申：「我沒有有關資料，只是憑經驗作出判斷。」