港鐵推SNOOPY限量版紀念車票套裝！4款運動造型SNOOPY登場

港鐡又有新搞作！由7月29日起一連四星期，港鐵將會再次推出四款限量版紀念車票套裝，今次的主角係SNOOPY！運動主題的紀念車票套裝分為「樂享足球篇」、「優悠單車篇」、「開心跑步篇」及「歡樂游泳篇」，SNOOPY和好朋友變身運動健將，夠晒特別！

四款限量版運動主題的紀念車票套裝有唔同運動主題配上地鐵、東鐵、輕鐵、機鐵！

每款紀念車票套裝售價為$160，包括一張紀念車票、一個精美票套及一款SNOOPY列車感應燈～

另外仲有一款SNOOPY香港站感應燈都好得意，同樣由7月29日日起發售，每個單售$120！

紀念車票套裝及限量版SNOOPY香港站感應燈由港鐵列車服務開始時，在各港鐵客務中心(不包括機場快綫、東鐵綫頭等、往返羅湖及落馬洲站的車程、輕鐵、港鐵巴士及港鐵接駁巴士) 公開發售。每位顧客每次限購各項目最多兩套，數量有限，售完即止。鍾意SNOOPY的粉絲記得mark實推出日期啦！

生活