【激罕童年照】麥大力原來係肥仔　媽咪滲仙氣一直靚到依家

無綫新一代男神麥大力雖然年紀唔細，但佢飛機師張CV簡直黃金製造，加上靚仔外形，成為唔少女士心目中嘅男神。單身嘅佢其實一早心有所屬，佢仲喺社交網示愛添，到底邊個咁幸運？

佢咪就係麥大力媽咪囉！前日係白色情人節，亦都係英國母親節，麥大力就喺社交網同遠在英國嘅媽咪講心底話。最爆係佢晒出童年照同近照，咪睇佢依家咁弗，原來麥大力小時候係肥仔一名，周身肉地，非常可愛，而麥媽媽就一直都咁靚，好有氣質，難怪生得麥大力咁靚仔！

東網網站 : https://on.cc/

東網Facebook專頁 : https://www.facebook.com/onccnews/