被指為蜜會女友缺席頒獎禮 Ian@MIRROR深夜為事件解畫

MIRROR成員陳卓賢（Ian）早前一口氣與陳曉華，混血索模盧慧敏（Amy Lo）、余潔滢傳緋聞，又被指曾跟ViuTV一姐陳俞希、蘇皓兒曾經關係親密。MIRROR的11位成員昨日出席《新城勁爆頒獎禮2020》，唯Ian因工作而缺席。不過，Ian下午時卻被撞破和真命天女Amy Lo在中環碼頭出現，手拖手坐船入坪洲拍拖。

Ian昨晚深夜在社交平台上載全黑照片，撰文為事件解畫。他說︰「私事一向都不回應，因為想大家關注係我工作、作品。但今次涉及我工作態度，我想自己回應一下。多謝大家關心，睇到報章話我聲稱自己拍劇唔去頒獎禮而係去拍拖，想講少少。首先，劇集嘅拍攝一早已經完成，而我請假係早喺一個月前請咗，原因係屋企人有事，處理該事嘅時間係同頒獎禮相撞，對外講話係因工作未能出席係覺得關乎我屋企人嘅事無必要公開講太多。我嘅工作態度一直無變，仍然係想做好每一個作品畀大家聽，畀大家睇。祝大家新年快樂。」

（即時娛樂）