前HotCha張惠雅稱與張紋嘉「一直無聯絡」：唔好再問我或佢
前女子組合HotCha成員張惠雅（Regen）前日凌晨出文寫道：「如果有一天我突然暴斃，請不要驚訝……」昨日她出文解說：「暴斃對我黎講係過勞或者唔知做咩突然訓低嗰隻，有呢個覺悟係因為覺得地球都係一個困住靈魂嘅一個地方。」她表示有記者聯絡其舊隊友張紋嘉後，收到對方訊息，但她其實很討厭這樣：「尋日應該係有記者訪問啊舊拍檔我情況，所以呢，尋日係有send過一個msg黎（嚟）問侯嘅。之前我地真係一直無咩聯絡，大家都無咩問候大家，大家都安好，大家都唔好再問我 或者佢:) I am so sick of this」。
之後Regen在另一個post似若有所指，她寫道：「我個人呢就好小氣嘅，咁我呢B級都冇，所以心胸狹窄咗少少，個quota又爆咗喇，醫生話我要遠離啲令我唔舒服嘅人和事，咁一啲一直我有事又唔會關心我，然後又會背後踩我一腳嘅人我想斷捨離一下啫，我人生嗰命題就係學緊呢樣嘢，完。」
此外，Regen昨日（1月22日）在IG自爆飲酒後踩單車，不慎跌崩半隻門牙，更自嘲「好醜樣」，她寫道：「今日好chill，同朋友飲多杯，好開心。然後我哋話不如今晚食pizza，所以叫長洲Peter pizza外賣。Peter係我鄰居，我借佢單車啦，但係因為我踩開三輪單車，三輪單車都炒過車，冇諗過踩三輪單車幾個月，訓練咗咁耐，一踩返兩輪單車就炒車，仲要崩咗隻牙。原本想聽日休息去補牙，但係諗諗下有口罩又唔駛拍嘢，聽日都係唔補牙住lu，不過我想瞓耐少少，因為無咗半隻牙都有點受驚，瞓醒明天再住咖哩飯。崩牙妹字」。Regen還上載借單車的Peter相片，原來是一名外籍男士，Regen續說：「佢一見到我排牙，笑到癲咗！飲啦！」
View this post on Instagram
View this post on Instagram
撰文：機
留言 1