力推《放開我北鼻3》 結局有3大亮點 又搞笑又感動
大陸綜藝節目《放開我北鼻3》已經完滿結束啦，相信入面咁多位哥哥都捨得啲babiessssss。本身節目入面有幾個固定嘅哥哥照顧一班小朋友，包括：香港嘅王嘉爾（Jackson）同埋大陸嘅陳學冬、黃景瑜、周震南。而大家都好鍾意嘅言承旭就喺第八集加入咗呢個大家庭。言承旭以前因為性格火爆，所以有個花名叫暴龍。係人都知佢演戲好，但原來佢湊小朋友都有一手，喺節目入面，可以見到小朋友好鍾意同佢玩，佢亦都好有耐性咁照顧班BBsssss。同其他哥哥雖然有輕微年齡差別，但溝通上完全冇問題！言承旭不愧係萬人迷！
喺最後一集嘅《放開我北鼻3》，有3個大亮點！各位哥哥為最年輕嘅周震南搞一個生日Party。為咗慶祝佢18歲生日，王嘉爾第一日就負責洗開周震南，叫佢陪自己買西裝，仲呃佢話要見皇室。年輕嘅周震南，當然不虞有詐啦～呢個時間，搞笑事情發生喇！！！！！
可愛嘅王嘉爾著住套西裝，chok住咁坐梳發嘅時候，佢突然大嗌咗一聲！原來佢爆咗汰！佢係咁用手遮住個屁股，尷尬表情真係笑死人！最搞笑係佢回過神，見到自己嘅BABY辰辰用緊毛巾抹枱，想話佢做乜又搞搞震嘅時候，辰辰就講咗句：「你啱啱突然大叫，嚇親我！」笑到周震南抖唔到氣～之後仲即時上演咗一場chok樣影劇照嘅畫面！
仲有大家好鍾意嘅言承旭，為咗叫途人幫手拍段祝賀嘅片，唔係好叻英文嘅佢都踏出一步！仲喺荷蘭拍攝嘅時候，撞到好多fans添！最搞笑係佢同黃景瑜，仲有周震南一齊去中國城買野，老闆娘話比「10%折扣」佢哋，即係9折，懵懵哋嘅黃景瑜仲以為老闆娘肯一折賣比佢！當言承旭一出馬，老闆娘即刻開心到彈起，仲比夠5折！Gentleman嘅言承旭最後仲錫咗老闆娘隻手一啖（睇真啲，係有距離嘅～各位粉絲可以放心！）
呢刻，小編想變成嗰個老闆娘！！
搞緊生日會嘅同時，史上公認最尷尬嘅事係：唔小心當住壽星公面前講咗啲驚喜細節出嚟～言承旭講完即刻扮無事！最醒就係王嘉爾～講少錯少！
去到最後，身為最大嘅哥哥言承旭語重深長咁寄語最年輕嘅周震南，聽到都覺得好沈重！咁多位哥哥ssss仲搞喊咗周震南添～
最尾一集，焦點放咗好多喺幽默又細心嘅王嘉爾同型到冇朋友嘅言承旭到，仲有壽星公周震南！當然都唔少得黃景瑜同陳學冬！冇佢哋，呢個節目都冇咁好睇！
喺成個節目入面，最養眼嘅就係好得意嘅豪豪同哈琳。不過依家就一次過比你哋見番所有嘅Babiessssss，一解你哋嘅相思之苦！
豪豪
哈琳
Jackson
Reina
辰辰
完了～好唔捨得！希望Babiesss可以健康快樂成長！好想見到佢哋重聚！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）