鹿晗關曉彤藕斷絲連仍煙韌　掛同款鎖匙扣洩「蜜」

內地女星關曉彤同頂流男星鹿晗傳分手，二人從未就傳聞回應，不過早已各有各忙，依家關曉彤就同上位小生李昀銳拍攝新劇《耀眼》。近日有粉絲就發現，關曉彤同鹿晗疑似藕斷絲連，兩人更先後拎同款鎖匙扣，暗地裏晒恩愛。

「#鹿晗關曉彤同款掛飾#」話題佔據熱搜，原來係鹿晗尋日（9日）於鄭州演唱會一套歌衫上扣上一隻長頸鹿鎖匙扣，而公手手上更係拎住甜筒（「彤」普通話諧音），與此同時，關曉彤於《耀眼》劇嘅學生書包上亦有同樣掛飾，即被外界聯想為長頸鹿象徵「鹿晗」、甜筒象徵「關曉彤」，令網友大嘆閃爆眼球！

今次被發現同款一齊用長頸鹿鎖匙扣，唔少網友都認為佢哋默契依舊，情侶感藏不住，不過亦有網友指該掛件係《耀眼》劇組服化道安排，劇中書包上嘅掛飾好可能根本唔係關曉彤自己嘅；而鹿晗嘅歌衫亦係造型師幫手襯，並唔係鹿晗自己搭配。

東網網站 : https://on.cc/東網Facebook專頁 : https://www.facebook.com/onccnews/