TVB最新男團出爐　梁競徽「表櫈舞」嗌重生

近年TVB藝人頻頻北上，早前最紅嘅都莫過於由吳卓羲率領郭晉安、歐陽震華、王浩信及高鈞賢合體組成「TVB港劇男團」，多場直播遊戲節目都成功爆紅，網友激烈討論佢哋大跳網紅舞。估唔到好嘢繼續有嚟，日前又有新藝人男團出發，男人味四射，擋都擋唔住！今次嘅「好犀利男團」成員分別有黃祥興、梁競徽、高鈞賢、沈震軒及黃嘉樂，延續TVB男神高大靚仔形象。

當中梁競徽自爆原來已經47歲，佢發文指今次組男團係「重生一次」，留言：「重生一次 好犀利男團 我自己47歲，其他隊友加起上嚟足足二百幾歲！歲數只不過係數字，對生命有熱情，對夢具有追求，放膽去沖去嘗試，才能不枉此生！」佢更於節目中表演林峯招牌「表櫈舞」，更表示係林峯親自教佢跳，跳得似模似樣，令節目推上高峰。

另外高鈞賢身為兩代男團成員，對組男團情有獨鍾，唔少網友都大讚佢靚仔又有型。46歲嘅黃嘉樂同樣獲讚外型討好，有條件做男一，依家個樣點睇都只係似36歲，Young爆童顏。至於黃祥興表演唱歌，令網友驚嘆原來佢係唱得之人，把聲勁靚之餘，更似足唱法文，令人拍爛手掌。

東網網站 : https://on.cc/東網Facebook專頁 : https://www.facebook.com/onccnews/