呂爵安《模範的士3》圍讀照曝光　力撐好友蔡俊彥全運會爭冠

改編自同名網路漫畫的韓劇《模範的士》（Taxi Driver），第3季將於11月21日開播。李帝勳劇中飾演的金道奇是國軍特殊部隊出身的「彩虹運輸」代表司機，擁有與生俱來的直覺和冷靜的判斷力，在任何危機下都不會動搖。彩虹運輸5人組全員回歸，除了原班人馬李帝勳、金義聖、表藝珍、張赫鎮及裴侑藍等外，還有香港代表的MIRROR成員呂爵安（Edan）加盟，近日劇本圍讀現場相率先曝光。

另外，Edan的大學宿舍室友、目前世界排名第一的花劍運動員代表蔡俊彥（Ryan）即將出戰全運會。兩人早前拍攝特備節目《全運面對面》時，Edan特別帶外賣與Ryan在麻雀枱前見面，Edan說：「以我對你嘅了解，食嘢同食糊，你會揀食糊。」Ryan卻反問：「兩樣都食唔得咩？」Edan表示只可選一樣，怎料Ryan竟語出驚人說要「食女」，不過他隨即解釋是「食呂爵安」，更說：「食你呀！食你出銃！」。

Edan與Ryan相識多年，表示一直見證Ryan在劍擊路上所付出的努力。Ryan亦坦言早前遇到劍擊生涯的低潮，一年之內兩度於比賽中跌出64強：「當時我同教練講我想唔打之後落嚟嘅比賽，佢就話都係得返3個比賽，堅持埋佢啦！咁點知最後嗰3個比賽都贏咗，所以我好衷心感謝教練願意陪伴我、聆聽我，同埋照顧我嘅感受，令我可以繼續打比賽。好多時一個人去到最低點就會反彈，否極泰來。」

Edan跟Ryan暢談背負「世一」稱號有何壓力、未來如何部署新戰術等話題。當談及對今屆全運會的信心如何，會否再下一城時，Edan不經意地插嘴說：「可以退休喇！」Ryan立刻反問Edan：「咁你開完演唱會會唔會退休？」Edan繼續鬥嘴說：「但係演唱會唔使同人鬥喎。」此時Ryan突然鬼馬表示自己也想開演唱會，Edan馬上提議：「拎到全運會冠軍，下一個目標就係開演唱會！」Ryan繼續發揮其幽默本色：「咁就同你鬥喇喎！」最後2人非常有默契地說出同一句話：「點夠你鬥呀！」。