校園女神降臨　林襄學生Look甜到漏

台灣「樂天女孩」啦啦隊女神林襄，樣靚身材正嘅佢，深受粉絲喜愛，人氣高踞不下。昨日，佢喺社交網上傳了2張制服相，並配文：「提早祝福全天下的老師，教師節快樂。」只見佢以學生裝上陣，白色制服搭配黑紅色嘅格紋短裙，加上長筒白襪及小白鞋，散發着一股青春洋溢嘅氣息。佢坐喺籃球場邊嘅長椅上，左手托面，對住鏡頭展露甜美嘅笑容。久違換上校服嘅佢，即時引嚟粉絲熱情稱讚：「無違和女高也太甜了吧」、「老師，妳怎麼能讓我不好好專心上課」、「其實我有個願望是成為一表人才，所以好想希望妳當我的補習老師」。

東網網站 : https://on.cc/東網Facebook專頁 : https://www.facebook.com/onccnews/