沙田污水廠遷岩洞申逾129億　多名議員指財赤大質疑迫切性促延遲

沙田污水處理廠遷往女婆山岩洞餘下工程，政府預計需逾129.3億港元。立法會工務小組委員會今日(10日)討論有關撥款建議，就當局估計舊廠搬新廠後的維修保養及運作開支約5.3億港元，多名議員指現時有龐大財赤，質疑搬廠的迫切性，又指能否延遲兩至三年在財政穩定後才搬遷，亦有議員直指政府削減多項開支，市民不會支持前後花數百億港元的工程，但當局強調舊廠或要花5億港元進行維修，僅可續命兩年，若不搬廠花錢更多。

對於舊廠搬新廠耗費數百億港元，發展局副局長林智指政府在2020年估算400至500億港元，但政府已不斷節省成本，預算已降至320多億港元，而早前向立法會事務委員會交代時亦己節省了17%，例如部門採用新的採購，「令到返標的價錢平咗」，政府在方方面面都想把個造價降低。

議員李世榮指新廠可處理的污水量34萬立方米，為何與新舊一樣，因此為何要支持，又問及有何迫切性？林智文解釋，舊廠已運作了43至44年，2030年已50年，遠超當年設計，特別是機電設施的壽命，近數年來應要做大型維修，但都暫停了，因要數億港元或可維持多兩年運作，維修保養費用更高。

身兼行政會議成員的議員陳克勤指現時財赤，有些工程沒有急迫性又不需要即刻做的話，便可以節省數百億港元。他說：「污水處理廠搬咗入山洞裏面，其實行政開支同管理開支係貴過依家好多倍，工程又貴，搬咗之後嘅行政開支又高，點解我哋要咁急去做這件事？想副局長解釋下呢個工程有何急迫性?係咪可以唔做住，若果可以唔做住，就兩三年後先做喇，等我哋的財政好啲先喇！」

政府面對龐大財赤，削減不少福利開支。議員梁熙指現時要迫切解決民生難題，偏偏在這個時候，政府卻打算撥出130億港元去搬遷沙田污水處理廠到岩洞，最終工程預算或會高達500億港元，而且每年營運開支還要增加幾億港元，他指政府能否承諾不增加排污費，又指市民現時不會支持這個花費數百億港元的工程，因為不是迫切性的項目。

另一議員林琳亦質疑緊急性，又說：「市民會覺得近排好多嘢加費，仲要使咁多錢，舊廠突然冧咗對市民影響喺邊度，(污水)處理量冇高到，但營運費費高咗」，林智文說：「搬入岩洞對區內嘅環境好咗，兼且效率高咗，舊廠要超過5億港元運作兩年續命，而設施新廠用唔到。至於風險，早前曾有氣味缸因舊出現問題，好多臭味飄咗去馬鞍山造成滋擾問題，打個比喻，間廠舊好似老爺車可以行得，但唔知幾時會冧、跪低咗，到時超過70萬人生活污水，有乜差池嘅話，可能啲污水未經處理就排出海。」

但工程界議員盧偉國指沙田污水廠遷往女婆山岩惹起很多爭議，「難得有共識千祈唔好因為赤字預算拖慢啲，其至甚好做，唔好因為赤字預算而停晒所有需要投資未來的工程，赤字預算有乜可怕，經濟有高低起伏，經濟低潮正係政府要使錢。」另一議員陳紹雄亦指在這階段煞停，日後工程費用會攀升，雖然延遲兩三年因經濟差可能會降價，但沙田區居民便要繼續忍受臭味。

小組委員會最終通過有關撥款申請，同時通過提交財務委員會進一步討論。

東網網站 : https://on.cc/東網Facebook專頁 : https://www.facebook.com/onccnews/