【LINE你睇】阿姐擔櫈提款似推銀無限P圖：「跟機!」

日前有網友經過商場，巧合撞見有位阿姐正在提款，她竟然自備摺凳，坐得舒舒服服，從容不迫地操控提款機，剛好因為現場明星級舞台燈光效果，氛圍感滿滿，忍不住拍照上載社交平台分享此情此景：「覺得呢個姐姐好fun，Atm撳錢撳到好似係機鋪打緊街機咁，差少少想放低一蚊跟機。」畫面令人聯想起在冒險樂園推銀機玩的婆婆們，有網友回應：「擺咩一蚊呀，跟機擺低你張提款卡呀，都唔識規矩既！」、「真推銀機」、「似呀，冒險樂園嘅推幣姐姐都係咁～」更有網友大玩AI P圖，改成遊戲機畫面，十分搞笑！

不過也有人認為發文者在取笑老人家，並解釋老人家帶張凳仔的原因：「其實老人家腳唔好腰唔好，需要坐真係好正常，我依家身體都唔好，撳機最好有嘢坐添，唔好咁樣去批判人啦，反而好欣賞呢個老人家！」、「老人家唔係個個都企得定佢嗰個拐杖咁嘅設計，佢都係善用呢個設計幫助自己。」有網民撐發文者，認為是觀點角度的問題，大家缺乏幽默感，生活過得太沉重：「感覺張相影出講唔係取笑，係欣賞，覺得個畫面輕鬆地make his day咁。」

圖片來源：mediuschung@threads