網上熱話｜00後邊界感薄弱 Intern問經理1問題即被轟 網民反斥：係你老土啫
職場一向都多是是非非，而自從一眾00後強勢加入職場後，不時都會看到有人批評他們的處事和說話方式，更有所謂00後「整頓」職場之言。早前一位打工仔就在社交平台發文，分享由公司00後Intern引起的爭執，惟部分網民就唔太認同發文者及其經理的睇法，更反斥他們「out咗啲」。
打工仔斥00後邊界感薄弱
不時都看到有人分享職場上的有趣事，近年就以00後整頓職場最為常見，經常引起有趣又無稽的爭議。早前一位打工仔在社交平台發文，故事主角正正是「00後實習生Intern」，因為問了70後經理1條問題而被對方「由間房度鬧到出嚟」。
Intern問經理1問題即被轟
發文者形容，當時的情況是「個Intern有野唔做」、「走去敲房門，入去問Manager：『做咩琴日請假唔返工，去咗邊度呀？』」，而身為經理的70後被下屬「審問」當然條氣唔順，即時「㷫過火屎」地回應「我嘅私人野要向你交代？」。
網民唔認同
發文者於文末表達個人睇法，直言「開頭覺得個Intern好癲，但諗多陣呢種可能就係好多人講嘅『邊界感薄弱』」。帖文引起網民熱議，惟大部分網民均唔認同發文者經理的行為，「係英國同上司傾下計問下最近點樣係好正常嘅交流，係香港就係挑戰權威嘅問題」、「下屬要做到好似覲見君王咁樣先可以同上司講嘢，成班老屎忽好似當自己係同神明一樣」、「我反而覺得你公司個經理仔啲管理手法out咗啲，EQ又唔夠」，更有人教00後可以問得好啲，「試吓加多句『你琴日無返我哋大家好掛住你』即刻成件事唔同晒」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)