高鈞賢專吸好老公　菊梓喬恨到出口

藝人高鈞賢前晚抱恙演出音樂會，除帶愛女上台外，還邀得菊梓喬（Hana）擔任嘉賓，他又公開「神秘技能」，揚言合作過的女藝人都會嫁得好老公，Hana難掩恨嫁的心高呼：「下個仲唔係菊梓喬？」

前晚高鈞賢在佛山舉行《愛與光》音樂見面會，剛榮升人父的他開工不忘湊女，騷前上載敷着面膜抱女的照片，寫道：「Liona B在廣州陪爸B開Show」，心情大好！演出當晚他以多套靚衫登場，除了一身白色西裝化身「白馬王子」外，又換上紅色西裝真空上陣，背後還有一個大窿騷背肌。原來他當日感冒，但絲毫未有影響表現，堅持唱足20首歌，絕無欺場。當獻唱《愛比我重要》時，他帶女兒上台抱住唱歌，場面溫馨，雖然BB初時有點扭計，但很快便安靜下來，相當乖巧。

感冒失聲無損表現

高鈞賢又邀來Hana擔任嘉賓並合唱《低谷天堂》，當Hana上台時，他即求救說：「你嚟救我，我感冒失聲。」Hana表示「不會吧」：「你仍然唱得好好，估唔到你唱得咁好聽，唔做歌手嘥晒。」兩人6年前在一個唱歌的地方相識，雙方甚有緣分：「我哋嘅經理人、牙醫同身邊朋友都認識，但一直冇機會一齊唱歌。」

高鈞賢表示一直很欣賞Hana，他參演的劇集均由對方唱主題曲，此時Hana突然玩踢爆：「佢有一個技能，好犀利，冇人知！」高鈞賢心神領會說：「同我合作過嘅演員都有好好嘅愛情，嫁得好好，例如陳茵媺同陳法拉。」Hana即興奮高呼：「下一個仲唔係菊梓喬？」

東網網站 : https://on.cc/東網Facebook專頁 : https://www.facebook.com/onccnews/