余潔滢李月兒獻第一次　結伴遊日同房坦蕩蕩

藝人余潔滢（Zoe）與李月兒（Luna）早前為HOY TV的旅遊節目《女遊日本》拍攝，在日本逗留了兩個月，Zoe稱為節目獻出多個第一次：「第一次去東京、浸溫泉、睇雪同玩滑翔傘。」Luna過往去日本都是為訪尋美食，今次則上山下海以至高空活動都玩齊。兩人對玩滑翔傘的經歷都大感難忘，Zoe解釋：「當日好大風，氣溫只有零度仲有少少飄雪，帶住我哋嘅係專業教練，佢同我哋玩咗少少低級花式，就係不停旋轉，我已經唔知道自己係驚到喊，定係畀風吹到流眼水。」Luna雖然有點畏高，仍豁了出去：「當日係我老公生日，我同自己講如果上到去而我又唔暈，一定要喺天空嗰刻好大聲咁同老公講生日快樂。」

兩人出發前並不熟絡，但於旅程中朝夕相處肉帛相見，感情已突飛猛進，Zoe說：「因為我哋兩個人住一間房，入酒店房大家都表明自己係點，原來我哋都係會唔着衫唔着褲喺房走來走去，哈哈!」問到發現對方有甚麼怪癖？Zoe指Luna有教瑜伽，會突然為自己啪骨，笑言好似看喪屍片般，而Luna指Zoe是瞓覺KOL，任何時候都可以一秒入睡。

東網網站 : https://on.cc/東網Facebook專頁 : https://www.facebook.com/onccnews/