《夜王》破香港賀歲片單日票房　黃子華：《一蚊雞保鏢》再上映會更收得

由《毒舌大狀》吳煒倫執導、黃子華與鄭秀文（Sammi）主演，以及王丹妮、廖子妤（Fish）、楊偲泳（Renci）、譚旻萱（Mandy）、楊偉倫、李芯駖、林熙彤（Hazel）等參演的賀歲片《夜王》昨日大年初一（2月17日）正式上映，單日票房衝破631萬元，打破《毒舌大狀》成香港史上賀歲電影開畫票房冠軍。至昨晚11時，《夜王》累積票房更逾1000萬元。

黃子華、鄭秀文、王丹妮（Louise）及廖子妤（Fish）早前接受TVB《一周星星》訪問。黃子華提到其中一幕要騷胸肌，他表示：「基本嘅演員道德，除非你唔好接啦。」他又笑稱：「其實我本人係一個『小林雪』嚟嘅，你知唔知邊個林雪？唔係日本演員，林雪你識呀嘛？我而家就咁除俾你睇，嘩，你咪林雪？」。面對子華的自嘲，廖子妤笑問：「咁你啲『林雪』收埋咗喺邊度啊？百寳袋入面？」更爆子華在片場雖經常「萬歲」請客，但自己卻忍口不吃。Sammi亦幫口做證：「我做證，佢真係食得好清㗎！」。

在「你問我答」中，製作組找來子華及Sammi的好友包括佘詩曼、郭羨妮、林盛斌（Bob）、車婉婉及羅金榮等，向二人逼供大量尖銳問題。其中郭羨妮大膽提問：「你依家就係子華神，你會唔會將《一蚊雞保鏢》喺院線播多次？」子華聞言充滿信心地回應：「我肯定佢會好收得過以前嗰套。」回望當年票房低落，子華坦言：「其實我依家間唔中睇吓我都覺得，我唔識寫返呢種Energy，其實佢係一個幾特別嘅戲，今日睇返我都做唔返嗰樣嘢。」